Hé var gert á pallsmíði um hegina, Edda og Maggi í heimsókn og Akureyrarvaka í gær, en ég greip að vísu i verk eftir hádegi í dag og lauk við að klæða austurhluta pallsins. Næst er að þekja suðursvæðið, framan við húsið. Verð við það með annarri hendinni í vikunni sem er að hefjast. Með hinni hendinni verður unnið að undirbúningi skólaársins og kennslunnar. MA verður settur sunnudaginn 13. september.
Þarna sést fyrirbærið úr berjamónum. Uppgangan verður ekki þar sem brettið er, það er bara til bráðabirgða. Ég ætla að hafa tröppur upp á austurhliðina þar sem spýturnar liggja hér nær okkur, einhvers staðar í grennd við undirstöðuna með breiðari svörtu röndinni.
Þarna sést þetta norðan frá. Ég á eftir að saga stubbana og ganga frá kanti, en þetta er ágætis útivistarsvæði í sólskininu og hléi fyrir hafgolunni. Og þarna eru Eyrin, Innbærinn og Suðurbrekkan eins og þetta leit út í dag, grátt og kuldalegt.
RE: Austurpallurinn klár
Jóhannes Laxdal - 31.08.2009 00:15 - jlaxdal[hjį]internet.isSæll Sverrir, ég hef fylgst spenntur með þessum framkvæmdum þínum í sumar, en voðalegt slugs er þetta á þér :) það ætti nú ekki að vera nema dagsverk að henda klæðningu á þessa grind.
p.s Ertu með bústaðinn í landi Veigastaða eða Vargjár? átta mig ekki alveg á myndunum
RE: Austurpallurinn klár
Sverrir Páll - 31.08.2009 07:24 - svp[hjį]ma.is - svp.isSæll Jóhannes. Það er satt, þetta er óttalegt droll á mér. Við skulum segja að ég sé að treina mér skemmtunina. Það er svo gaman að búa eitthvað til
Hálsakotið mitt er í Heiðarbyggð, sem er í landi Geldingsár, talsvert norðar en Varðgjá og Veigastaðir.
RE: Austurpallurinn klár
Monni - 01.09.2009 21:39 - Gsnael[hjį]get2nt.dkSæll Sverrir Páll.
Sit hér í Toulouse og nýt utsýnisins yfir pallinn, fjörðinn og Akureyrina.
Svona útsýni finnst ekki í Frakklandi!!
Hlakka til að hitta þig á skólasetningu og heyra meyra um framkvæmdirnar.
Bestu kveðjur.
Monni