Sverrir Páll Erlendsson

1 vænt laxflak
5 msk. góð olía
3-4 hvítlauksrif
1 msk. græn piparkorn
1 msk. söxuð steinselja
agnarögn af salti og pipar

Leggið laxflakið á álpappír með roðið niður. Brjótið upp á brúnir álpappírsins svo úr verði dálítið form eða skúffa.

Stráið fáeinum saltkornum og örlitlum pipar yfir flakið, látið standa í 10 mínútur og þerrið svo af með klút eða húsbréfi.

Saxið hvítlaukinn út í olíuna og penslið flakið vel og vandlega með þessu. Dreifið piparkornunum og steinseljunni saxaðri yfir þetta. Látið standa í dágóða stund áður en sett er á grillið.

Hitið grillið sæmilega. Setjið álformið með laxflakinu á ristina og látið krauma þar á lægsta hita. Gott að ausa olíunni úr forminu yfir flakið annað slagið. Um það bil sem þykkasti hluti laxins er að verða soðinn (ljósbleikur) er flakið tekið af, tilbúið til neyslu.

Mjög gott með góðu, fersku grænmetissalati og/eða kartöflusalati

(Þetta kenndi Þorsteinn G. Gunnarsson mér fyrir margt löngu) 

Saltfiskflök (ca. 700 g)
2 hvítlaukar skornir í sneiðar
1 msk. paprikuduft
ólífuolía

Meðlæti:
Tómatar og rauðlaukur skorið í sneiðar, sett í skál og olíu dreypt yfir.
Soðnar kartöflur og ólífur.

Fleira gott með fiskinum:
Paprika í strimlum
Laukur eða rauðlaukur í sneiðum
Tómatar sneiddir
- hitað í olíu.

Hvítlaukssósa:
Mæjónes eða sýrður rjómi
Jafnmikið af ólífuolíu
1 laukur, maukaður
1 hvítlaukur, maukaður
fersk steinselja söxuð
salt og pipar
- allt hrært saman.

Flökin útvötnuð í 3-4 daga. Fiskurinn skorinn í jafna bita.  Bitunum velt upp úr hveiti.  Brúnaðir á pönnu í ólífuolíu og settir í eldfast form.

Hvítlaukurinn gljáður í olíu á pönnu.  Paprikunni stráð yfir.  Hrært vel og hellt yfir fiskinn í forminu.
 
Bakað í ofni í 5-10 mínútur.
 

Þessi uppskrift er frá Eddu systur en hún fékk hana hjá Rúnari í Flugvallarteríunni.

1 pk saltfiskur frá Eðalfiski
Sletta af olíu
1 kúrbítur
2 paprikur
1 laukur
3-5 hvítlauksrif
1 ds niðursoðnir tómatar
Svartar og grænar ólífur
2 tsk hunang
svartur pipar

Saltfiskurinn roðflettur og skorinn í teninga

Olía sett á pönnu og hituð. Laukurinn steiktur stutta stund og síðan annað grænmeti, hvítlaukur smátt skorinn settur síðast út í ásamt ólífum. Loks niðursoðnir tómatar. Kryddað og látið malla dágóða stund.

Þegar grænmetið er tilbúið er slökkt undir pönnunni, saltfiskbitarnir settir út í, sökkt í grænmetið og lok sett á pönnuna. Látið standa í svona 5-7 mínútur þar til fiskbitarnir eru um það bil gegnheitir - léttsoðnir.

Með þessu má hafa eftir smekk kartöflur, hrísgrjón eða brauð - eða bara borða þetta eins og það er. 

Ferskt grænmeti, t.d.
laukur
paprika
kúrbítur
gulrætur
brokkoli
blómkál
tómatur
- eða bara það sem mannni þykir gott
+pipar og kraftur

Þorskflak eða ýsuflak
svolítill rifinn ostur

Grænmetið brytjað og sett í eldfast form / fat

Malið agnarögn af pipar yfir og fáein korna af salti eða hvítlaukssalti. Alls ekki mikið salt, helst ekkert.

Kreistið ögn af sítrónusafa yfir flakið, malið ögn af pipar á það og leggið ofan á grænmetið. Rífið ost og dreifið yfir flakið.

Bakiið í ofni við ca 200° þar til grænmetið er tilbúið - eigum við að segja 20 mínútur eða svo

Má hafa brauð eða hrísgrjón eða kartöflur með en ef maður hefur mikið grænmeti er það nóg.